[比悲傷更悲傷的故事]80,60,40,張艾嘉咩!又,唔係三代同堂齊揸滙豐,係三代同堂齊坐滙豐
原文:三代同堂齊揸滙豐因一個「情」字 買入價80元、60元、40元(https://bityl.co/3Y2f)
TLDR:滙豐如辰衝 廿蚊不是夢。真係二字頭都嚟緊頭啦,不如睇下佢地講嘅嘢有幾多謬誤?
1. 其實唔知係咪FF,但佢咁寫我咁信。未睇過嘅,可以睇返舊文。「滙豐如辰衝 廿蚊不是夢」(https://bityl.co/3XxO)。你睇留言嗰啲都仲話跌到廿蚊你就想,甚至話派返息就11厘好過定存多多聲(但,你只收一年息?另外,你個本呢?)。
2. 結果?寫完篇文,匯豐都係咁跌,當時有34蚊,而家30蚊邊,真係見2字頭不是夢!大師有冇點你?當然,你可以話29蚊唔係20蚊嘅,咁要跌到20蚊即係要跌一半,應該都冇咁易嘅,「因為有通脹」「不過What if 供多次股?」
3. 當然至醒嘅網友又會話,扯,佢地三代買匯豐你就恥笑啫,如果買中騰訊又點計?我多次寫文都講過呢個問題:針對嘅係決策個過程,唔係用個結果嚟睇返。你成副身家性命財產買晒一隻嘢,退休生活費靠佢收息,本身就好有問題啦。
4. 你聽日見到大老細,兜口兜面話佢戇鳩,佢可能覺得,丫,後生仔有意思,敢擔撞找,我最憎刷鞋仔,升你職— 但不代表你聽日咁去做就係一個好嘅idea.同樣道理,你今晚所有身家訓身買場波,或者買六合彩,可能真係中咗脫貧呢—但即使中,亦不代表你呢個係好嘅決定,明冇?
5. 你見呢篇文入面(https://bityl.co/3Y2f)啲概念,好多幾明顯係有問題的—再講一次,唔係因為佢買咗匯豐輸錢先有問題。當然你贏錢就乜都得,但路遙知馬力,你用錯嘅方法,贏一兩次錢唔難,甚至好彩贏鑊勁嘅從此收山你咪神。但一路玩落去,就會出事的。等於上買去買六合彩嘅故事
6. 「滙豐一來是香港銀行,二來模夠大,較難有倒閉危機,過去又有穩定股息」 —首先,我唔知香港銀行有乜咁巴撚閉。係市場未成熟好多人未用過銀行?定人口夠年青?定監管好鬆?定係好多企業要借錢?比利時夠有銀行你唔買?盧旺達都有銀行你唔買?香港香港怎麼那麼香?
7. 第二點比較有趣,冇錯,大銀行的確冇咁易死,too big to fail—但不代表你要買,更不代表係好投資。當年好多人買中資銀行都係呢個原因:阿爺唔會畀佢爆煲。事實係丫,四大國有銀行都冇爆煲,不過半死不活,股價原地踏步咁解—掉轉頭諗,阿爺唔會畀佢爆煲,但有冇話你知畀佢年年賺多好多錢?同樣道理,花旗銀行金融海嘯都冇爆煲呀,不過高位跌咗9成咁解之嘛,升多十幾倍就返家,慢慢等。
8. 「昔日的股王滙豐因派息慷慨,吸引不少散戶長線持有作收息的之用」—呢個我更加完全唔明,滙豐派息點慷慨?我R撚晒頭。記住,好多人想當然嘅嘢,我都會去挑機。
9. 你話派息慷慨,點慷慨?一年派四次息就好慷慨?真係OMFG,你鍾意一日畀一次家用老母都得的,每日畀十蚊佢,夠唔夠慷慨?定係話佢派息比率dividend payout ratio(**)好高?從來唔覺喎,有數字你可以大我,但佢唔係好似啲REIT咁要派晒啲息,可以去到90% payout。定你指股息率dividend yield(***)好高?但股息率高其實往往反映風險大,同埋股價本身不濟。
10. 你以為你開個股票機然後見隻嘢10厘息你買落去就掂?咁世界未免太好了,大把人要失業了,我就唔使考個CFA。呢個世界上,係冇穩穩陣陣10厘息嘅,5厘都冇。10厘息,你冒緊幾大風險?
11. 掉轉,其實壓根底兒(嘩,蝗語!),你唔係保守,係好撚自大—因為你覺得買美債收1厘息唔夠嘅人係傻仔,買領展買中電嘅人係傻仔,本人最撚醒,收到10厘息而唔會有風險。哦。定你知道有好大風險?咁有乜好怨?
12. 至於如果你講匯豐嘅dividend track record?之前收費短片做過啦(唔賣廣告了,過咗期,但證明我啲片好有教育意義)。匯豐幾時係一間track record好好嘅公司?08年前可能仲係,但之後肯定唔係。掉轉,都仲有唔少公司一路年年加派息,或者唔減,你又唔去睇?
13. 「我爸就話屋企唔係等滙豐開飯,所以會坐住先,希望會派返息」—呢個算係正確,但,等住開飯嘅錢,本身就唔應該買股票啦。又,你肯定派返息股價就會反彈?我就有啲懷疑啦。仲有樣嘢叫除息喎。
14. 而我講咗好多年想寫都仲未寫,但我真係想講,「派唔派息同股價係冇關係的」,Economist話齋,你去ATM襟一千蚊出嚟,唔會令你有錢咗。明冇?
15. 繼續—「我爺每次一講起就好氣憤,話『滙豐衰人、扼人』,搞到佢要食老本。佢都有話『做人點可以咁架、唔守信用』」
16. 呢個仲好笑,我再講一次,我到而家都唔知匯豐點呃人,你可以去證監去金管局甚至去英國告佢,而我唔覺得佢地會幫住匯豐,明明英國政府都不停鬧(但又係英國政府要停派息,哈哈)。
17. 呃人?唔守信用?我唔知佢講緊乜。我估即係又係拗「應承咗派息」但彈弓手。咁請你睇多次我啲舊文,亦都再好殘忍咁話你知,從來冇話過「宣佈咗派息」一定要派。邊條法律話一定要派息?邊條法律話除咗息一定要畀你?有嘅,你去告佢。正如公司唔出糧你可以告,客仔唔找數畀你你可以告。但,唔派息都可以告?係可以嘅你告咗啦。
18. 即係,嫁咗畀你唔等於要免費畀你屌,明冇?而家咩年代?你老婆唔同你行房你去告佢?你估得唔得?「派息係應有之義」,咁「滿足丈夫性需要」都係,但而家,我地講緊法律下話?而佢唔守信用,咁你仲渣?
19. 至於話「搞到食老本」,舊文都提過,匯豐一年唔派息,你就搞到要食老本,即係你成副身家或者大半副都係放晒落去,本身就係有問題啦。派息從來唔係老奉,賺錢都可以唔派,咁你將所有嘢依賴在一個咁脆弱嘅東西,怪誰?即係,你老細下個月炒咗你,你同佢講話「喂我月尾仲要供樓喎你之前個個月出糧畀我做乜今個月唔出」—一個月冇糧出你就供唔到樓嘅,問題在邊個度?
20. 最最最後,「可能大家對滙豐有情意結,都唔捨得放。」—咁就已經講完啦。以前講過:「點解有賤男?因為你鍾意。點解有啲人不停畀人呃?因為佢地根本唔介意畀人呃。《痛愛》係金曲,自有道理。好多人係靠呢啲嘢去證明自己對愛情忠貞,係佢用嚟建構自己形象嘅一部份」 — 咁既然係唔派息係咁跌你都唔放嘅,使乜對你咁好?條仔打到豬頭咁,你夜晚都仲幫佢口爆吞精仲笑笑口拍片嘅,使乜錫住你?然後你就繼續日日上網鬧佢嘩唔守信用呀話咗畀家用都唔畀呀拎咗我啲錢又唔還呀
21. 總之,股票嘅嘢,你情我願。除非犯法欺詐(但,你見啲乜柒告去證監告去英國嘅群組,搞成點?David Webb一早叫你慳返啖氣啦),否則,唔滿意嘅,你只能沽咗佢。你諗下,股票係乜?股票即係夾錢做生意,你唔妥佢嘅,咪拆伙,至少上市公司股票流通量高,你好易搵人接手—但你話對間嘢「有感情」嘅,咁就貴客自理了。
22. 其實真係可以學Brian Cha講:明白嘅。唔好買匯豐囉!沽匯豐囉!沽空匯豐囉!
23. 你成日都會見到佢減派息㗎by the way,因為佢冇乜budget喺度派息呀by the way,阿爺,係咪?你知唔知有幾多英倫銀行嘅官,幾多英國人,係靠匯豐唔派息先可以生存到?除咗英倫銀行,冇人可以教到匯豐點派息架阿爺,平保都唔得呀。係咪好簡單一個邏輯啊?
24. 真架,你見Palantir個CEO都係咁講:唔鍾意我間公司,唔好買囉,有幾難明?(https://bityl.co/3Y1n)。千鳩幾間上市公司,計埋外國萬幾間,係要買間冇信用嘅日日鬧,但又唔沽,係咪有被虐狂?咁玩BDSM梗係要畀錢啦
25. 再講一次,買股票本質係乜?係夾錢做生意。邊有人拎支搶指住你迫你買?唔鍾意,咪唔好買。買間會穩穩陣陣派10厘息嘅公司,買間講完息一定要派嘅公司—如果有的話。
26. 最後一句,以前都講過,好簡單嘅常識,我唔明做乜咁多人都唔理,可能真係個個都想搵快錢,但記住呢句
27. 人人話危險嘅嘢先唔危險,假安全感先害死你。三唔識七個朋友叫你夾錢開舖,你就算夾都只係意思意思—但你就訓身家去買匯豐。See the difference?再粗俗啲嘅,好似周顯講(拉佢落水好啲,你地唔敢鬧佢):你去叫雞等於人地職業賽車,因為危險,梗係做足安全措施。但你係老蘭一夜情,等於即興非法賽車,以為嗰啲係純情少婦間中掛單,打真軍唔用頭盔,咪出事。劃出腸:你買仙股知道自己投機,最盡咪買十萬八萬—但買匯控你以為實派到息,幾百萬幾千萬咁落去呀。
28. 拿,苦口良藥呀,但真係以為有人我得閒到打四千字文去抽啲都唔知存唔存在嘅人水。係呀可,我寫幾千字葬禮文又係為乜呢?又為Facebook搵錢呀可?好心啦。唔好乜都咁小人之心。係愛呀,係投資者教育呀。明冇?訂Patreon啦,忍到最後先講(https://bit.ly/31QmYj7)
(*)解埋個題先,「一個菲律賓家庭的進化」(https://bityl.co/3Y4U),係套戲嚟的,當年香港國際電影節有上,涼冷氣恩物,因為套戲差不多10個鐘!套戲講乜?咪就係「一個菲律賓家庭的進化」。同呢篇文有乜關係?係冇的,當然你可以將「菲律賓」當係形容詞嘅,例如話「呢件事好大陸」,「佢行事作風好美國」咁。
(**)係,有啲人連呢啲嘢都未識分,「但就好撚多意見」。派息比率dividend payout ratio,100蚊純利派幾多錢息。同好多人想像唔到,派息比率當然係可以超過100%,亦唔算極罕見。點解?唔知點解嘅,證明你連cashflow 同 profit都未識分,最好都係STFU。你見啲波撚拗一大輪有冇錢買人,都係兩樣嘢唔識分嘅問題,然後就屌你啲金融撚唔使波,只睇數字係呀平均人人一粒睪丸添,背熟一個gag就可以反智,非常之咁OK。
(***)股息率嘛,隻嘢一年派5蚊息,股價100蚊,咪5厘咯。本身其實冇乜意思。講撚過啦,係呀,未「出事」前匯豐10厘息添,派到就係。都係常識一句:即係買中電領展嗰啲係傻仔,買美債收1厘息唔夠嘅係傻仔。呢個世界上係冇穩穩陣陣10厘息嘅,5厘都冇。你10厘息,即係冒緊幾大風險,自己諗。仲有,股息率咁高,往往係反映股價不濟。你有冇見騰訊有5厘股息率?
—————————————
Ivan Patreon 狼耳街華人,一星期至少三篇港美市場評點,其他免費好文推介,每日一圖,仲有FB Page post summary.一個月一舊水唔使,開張一個月已近 500人訂,仲有兩篇免費試睇:https://bit.ly/31QmYj7
——————————————————————————
[收費短片第九擊]美股科技股是否泡沫爆破?價值投資之選
課程資訊:https://homebloggerhk.com/course_detail/?code=CC009
內容:
*美股急跌點算好
*科技股係咪泡沫爆煲?
*有乜價值投資之選?
本星期內特惠售價: $80
課程編號:CC009
觀看期限:首次播放後一星期及限每影片4次
客服whatsapp: 63832145
另外想買返第八擊(美國總統大選股票部署)都仲可以:https://bityl.co/3NPn
同時也有6部Youtube影片,追蹤數超過4萬的網紅李根興 Edwin商舖創業及投資分享,也在其Youtube影片中提到,哈佛知識分享: 做生意,七大困難選擇! 七條策略問題 Seven Strategy Questions《第七: What Strategic Uncertainties Keep You Awake At Night? 公司有什麼變數令你夜晚瞓唔著呢?》 Everybody watches w...
一年派四次息 股票 在 李根興 Edwin商舖創業及投資分享 Youtube 的最佳解答
哈佛知識分享: 做生意,七大困難選擇!
七條策略問題 Seven Strategy Questions《第七: What Strategic Uncertainties Keep You Awake At Night? 公司有什麼變數令你夜晚瞓唔著呢?》
Everybody watches what the boss watches. 老闆䀹實乜,同事們就䀹實乜! 你應該䀹實乜呢?
Business is about making tough choices. 上六集就講咗 Who is your primary customer? 公司股東、顧客、員工,邊個行先? 追數,應追邊三條數? 公司應有邊「十誡」? 如何令員工在適當壓力下發揮創意? 同埋同事們之間有幾願意互相幫助?
今集我會同你探討第七個策略問題,亦都係最後一個: What Strategic Uncertainties Keep You Awake At Night? 公司有什麼變數令你夜晚瞓唔著呢?
根據哈佛教授 Bob Simons 呢本書 Seven Strategy Questions,only three things in life are certain: (1) death, (2) taxes, and (3) the fact that today's strategy won't work tomorrow. 三樣嘢肯定: 死亡、交稅、及做生意策略要隨著時間改變。
你公司提供嘅產品/服務,如果永遠一成不變,無論現在點好,遲早會畀人淘汰。 道瓊斯 工業平均指數成分股有30隻,25年前後,超過一半成份股都已經被剔除。
當中一隻嘅股份依然非常成功,就係強生,Johnson & Johnson。 第二集同你講過,佢哋 Credo 教義,係 Customers Come First 嘅公司。 Credo 最後一句: "When we operate according to these principles, the stockholders should realize a fair return."
咁佢股價表現如何? 如果你1944年買咗強生1股,當年強生 IPO 上市,招股價是$37.5 美金。如果你由1944年揸一股到呢本書出版嘅時候 (即2010年), 期間再 reinvest 你收到的股息去買多啲強生股票,你所收的股息連同股價升幅,到這本書出版,合共累積收到超過90萬元美金。Yes! 由1944年嘅$37.5美金,至2010年收到合共90萬元美金。等如65年間,年化增長17%。 Grow 17% every year for 65 years! Wow!
佢點做? 睇下呢個 Johnson & Jonson(強生) 嘅table, 每年嘅 profit planning 由 functional, company, group VP 至 executive level 逐層逐層上, 一年上四次,revisit and revise continously.
2013年就做定2014年同埋15年嘅 profit plan, 再做多額外5年,10年嘅projection,即2020及2025年。
2014就做定2015及2016年嘅 profit plan, 再 revisit 上年做過嘅5年10年計劃,即重溫2020及2025年嘅 projection,睇呢幅圖, 如此類推。
如果數字同當初預期有所出入, 會 face -to-face 問下屬:
(1) What has changed?
(2) Why?
最重要,(3) What are you going to do about it?
Keep it simple. Johnson & Johnson, 就係因為不斷地問這三條問題,過去幾十年都能夠 就住市場適應改變。
唔好講到大公司咁複雜, 即是你係個屋村入面做間茶餐廳,What Strategic Uncertainties Are Keeping You Awake At Night? 有乜風險令你夜晚瞓唔著?
怕你個廚師走咗去? 怕你個業主大幅加租? 怕突然間一大批你啲食客食物中毒? 怕你條村啲人口味變化, 鍾意食日本餐,唔再食茶餐廳? 怕翠華/太興開入來你邊村,咁你就無得爭? Whatever it is! 除咗怕,你打算點應對? 點樣能夠做到兩手準備?
如果有日,你盤生意條數唔靚,我問你:
(1) What has changed? 有乜改變咗?
(2) Why? 點解?
And (3) What are you going to do about it? 咁你打算點做?
你會點回答我?
我做商舖基金,都有好多嘢怕。 經歷過社運/肺炎, 連舖王鄧成波都話唔係「百年一遇」,係「百年不遇」。 我都好怕個市大上大落。 我亦都好怕個個 shopping online 以後街上無晒人行街。我更加怕以後社會動盪,冇曬遊客來港。 我亦都怕中原/美聯/長實/新鴻基會搞個商舖基金同我直接對撼。但怕有用咩,最緊要能夠做兩手準備。 我爸爸教我: 「永遠要作最壞的打算!」
2021 今年我公司目標要買入港幣五億街舖,沽出兩億,對外集資起碼每季港幣6000萬, 基金派息六七八厘,及年回報達至10%。 每季度我同公司管理層都會 review 以上數字, 稍有偏差,就會問自己以上三個問題:
(1) What has changed?
(2) Why?
(3) What are we going to do about it?
有乜改變、點解、同我們點辦?
你盤生意呢? What's keep you awake at night?
今次一連七集同你分享咗我係哈佛學到嘅 Seven Strategy Questions 七條策略問題:
(1) Who is your primary customer? 誰是你首要顧客?
(2) How do your core values prioritize shareholders, employees, and customers? 你的核心價值,公司股東、員工、顧客、邊個行先?
(3) What critical performance variables are you tracking? 追數,應追邊三條數?
(4) What strategic boundaries have you set? 公司應有邊「十誡」?
(5) How are you generating creative tension? 如何令員工在適當壓力下更有創意?
(6) How committed are your employees to helping each other? 同事們之間有幾願意互相幫助?
(7) What strategic uncertainties keep you awake at night? 公司有什麼變數令你夜晚瞓唔著呢?
我營運自己全間嘅商舖基金公司都係 based on 以上七條問題辦事,Really! Every single one of them. 希望一連七集,以上七條問題亦對你點做生意有所啟發。
有興趣聽多啲,可就來我六月份最後兩場星期六嘅早餐會啦! 希望到時見到你。Have a good business, have a good life!
。。。。。
五/六月份早餐分享會 Topic: The Seven Strategy Questions by Harvard Professor Robert Simons
哈佛分享: 七條做生意策略問題
2012至2014間,我連續三年在哈佛上了 Robert Simons 的堂,畢生受用。我自己成間商舖基金公司都是建基於這本書。
有興趣 sign up la ? 每次限四位 (包括我)。 人多傾唔到計。
5月1日或8日或15日或22日或29日或6月5日或12日,星期六早上9時開始,約三小時。地點中環。
對象: 管理層/生意經營者/創業者,連我限4位。
有興趣參加的話,請 whatsapp 你的名片給 Suki (我助手) (+852) 5566 1335。
大家交流做生意最重要的幾條問題。
我唔係靠呢行搵食,免費,我請食早餐 ? Be friends ..... 有機會到時見你。李根興 Edwin
www.edwinlee.com.hk
聯絡李根興 whatsapp (+852) 90361143
。。。。。。。。。。
購買李根興的【李根興的生意哲學】(最新2020年6月出版 - 定價$198),或【買舖 要買得 PRO】(定價$198),連親筆簽名,可 whatsapp Suki (+852) 5566 1335。各大書局也有售。
![post-title](https://i.ytimg.com/vi/BnAxNXw7BTo/hqdefault.jpg)
一年派四次息 股票 在 柴鼠兄弟 ZRBros Youtube 的精選貼文
還記得我們之前,曾經研究過八年級生的持股排行嗎🤓?但究竟在全台股一千多檔,上市上櫃股票當中,人氣最旺、最多人持有的前20名是誰🤔?又是哪兩支ETF進榜了🍱?還有價差或配息,大家到底最愛哪一味🤤?
不過今天我們先來換個方式錄影好了,直接把榜單放大印出貼在牆上,看起來也是別有一番風格😎,而且還可以省掉很多後製特效的工🥺,真是太感謝Epson這次邀請體驗L6490連續供墨高速傳真複合機啦🖨!完全顛覆我們以往對噴墨式印表機的印象,感覺以後影片都可以偷懶不用做後製啦😂!但是要另外多做很多手工就是了😅⋯
但沒想到現在連續供墨列印💧,已經進化到不輸雷射囉!不只速度幾乎等同雷射列印,這台L6490高速傳真複合機,使用的還是四色防水墨水☂️,不用擔心手殘潑到水會暈染🌈,還又更省錢、省電、耐用。掃描、傳真、自動雙面列印、行動列印通通有支援外,現在連透過LINE也可以輕鬆做遠端列印,行動辦公又更方便了💼!
最重要的是連續供墨的墨水,平均算下來單張彩印只要0.33元,和一般雷射單張彩印7.74元比起來,可以省下95%左右👛!如果一般公司平均一個月列印500張,換算下來一年會比使用雷射,再多省4萬多元喔💰!另外Epson還有獨家提供加購墨水,就升級三年保固的服務🛡,推介給有商務列印需求的小尾巴們參考喔!
🆓國民台股人氣榜高畫質榜單圖檔下載👉 https://bit.ly/2Sj9QBW
🔔更多Epson商品資訊和專屬優惠🔔
5/24 ~ 6/4 購買還加碼贈送好康贈品
📍Epson鐵粉👉Epson原廠購物網:https://lihi1.cc/4CKVE
📍賺mo幣👉Momo:https://lihi.tv/bb9F6
📍賺P幣👉PChome 24H :https://lihi.tv/S8vsK
#連續供墨市佔第一品牌Epson #L6490四色防水太驚艷 #買一台等於抵兩台雷射印表機
【跟著柴學FQ 做自己的提款機】
⭐️出版三個月熱銷突破十刷三萬冊
⭐️連續12週(4/2~6/24)蟬聯誠品書店財經/商業暢銷榜冠軍
⭐️2020誠品書店年度暢銷Top2
⭐️博客來2020年度百大暢銷書榜Top8
⭐️2020上半年MOMO網路書店暢銷榜Top7
➤博客來 https://reurl.cc/8GnRXy
➤誠品 https://reurl.cc/Kkj5lq
➤金石堂 https://reurl.cc/z8zLp6
【柴鼠LINE貼圖】
https://pse.is/LRUBU
【不用花錢也可以贊助柴鼠】
https://youtu.be/DGV964Fks2s
【訂閱柴鼠也是一種鼓勵】
http://bit.ly/2INZTDI
【柴鼠兄弟相關頻道】
YouTube頻道 https://www.youtube.com/c/柴鼠兄弟ZRBros
FB粉絲頁 https://www.facebook.com/zrbros
IG https://www.instagram.com/zrbros/
【聯絡柴鼠】
e-mail:[email protected]
![post-title](https://i.ytimg.com/vi/YX97xFvvZa8/hqdefault.jpg)
一年派四次息 股票 在 柴鼠兄弟 ZRBros Youtube 的最讚貼文
常常可以在網路上看到,超強女大生四年存百萬👩🎓、或是某神人一年省下百萬的獵奇新聞💰,當然還有許多369存錢法、6罐子存錢的經驗分享。但對於收入有限的小資來說,想要逃離月光的考驗💸,還要存下百萬,似乎是個遙不可及的夢想😔。
在看了那麼多國內外教人理財的書後📚,加上柴鼠自己的經驗,發現快速累積百萬的人有個共同點🎯。而我們只要有心稍微做些改變,再把支出順序顛倒過來🔄,想存下一桶金也非難事。尤其在金融數位化的現在🤖,懂得善加利用數位科技來幫忙,更能讓理財事半功倍,快速累積人生的第一桶金😎。
像永豐銀行的大戶,就是很值得推薦的數位帳戶👍🏻,除了不囉唆的50萬額度,年息1.1%高利活儲外💵,也是目前國內少數,可用來當證券交割戶卻不降利率的,冰友啊~一般交割戶利率只有0.03%啊🥲!而且它還有一個月20次,免費跨行轉帳或提款的扣打🆓,帳單集中從大戶繳費,可以省下很多交易手續費👛。另外它的APP介面也整合了存款、信用卡、投資、繳費、換匯、證券等等,儲蓄和投資可以一站搞定,非常方便!
只要善加利用數位理財工具,再加上時間和習慣的威力,你也可以是理財神人😇!現在就開始用永豐大戶累積一桶金👉 https://mma.tw/dawhofb549
投資一定有風險,基金投資有賺有賠,申購前應詳閱公開說明書。
永豐商業銀行經金融監督管理委員會109年9月10日金管證投字第1090352215號函核准辦理兼營證券投資顧問業務
#永豐大戶 #DAWHO #ibrAin
【跟著柴學FQ 做自己的提款機】
⭐️出版三個月熱銷突破十刷三萬冊
⭐️連續12週(4/2~6/24)蟬聯誠品書店財經/商業暢銷榜冠軍
⭐️2020誠品書店年度暢銷Top2
⭐️博客來2020年度百大暢銷書榜Top8
⭐️2020上半年MOMO網路書店暢銷榜Top7
➤博客來 https://reurl.cc/8GnRXy
➤誠品 https://reurl.cc/Kkj5lq
➤金石堂 https://reurl.cc/z8zLp6
【柴鼠LINE貼圖】
https://pse.is/LRUBU
【不用花錢也可以贊助柴鼠】
https://youtu.be/DGV964Fks2s
【訂閱柴鼠也是一種鼓勵】
http://bit.ly/2INZTDI
【柴鼠兄弟相關頻道】
YouTube頻道 https://www.youtube.com/c/柴鼠兄弟ZRBros
FB粉絲頁 https://www.facebook.com/zrbros
IG https://www.instagram.com/zrbros/
【聯絡柴鼠】
e-mail:[email protected]
![post-title](https://i.ytimg.com/vi/15l-espJp6I/hqdefault.jpg)
一年派四次息 股票 在 15萬港股每季收息組合,派息增長24 - YouTube 的推薦與評價
![影片讀取中](/images/youtube.png)
上集皇叔分享了美股每月收息組合,今次終於到萬眾期待的港股版!趁港股處於低估水平,趁早部署收息 股 ,賺價兼賺息! ... <看更多>
一年派四次息 股票 在 股榮- 50隻藍籌「自製年金」退休選擇... - Facebook 的推薦與評價
選擇藍籌退休,最重要是派息穩定而且具持續性,部分公用股每年派息四次,且無論經濟好壞,都固定派發。周期性股份如資源及保險股派息隨業績大上大落,中石油(857)及 ... ... <看更多>